द्धन्द्ध निर्देशक राजेन्द्र खड्गीले सत्ताईस बर्षपछी आज आफ्नो दिदीको हातबाट भाईटिका लगाएका छन् ।
।
हेटौडामा रहेका दुई दिदी देवकुमारी र हिराले उनलाई आज ठीक साढे एघार बजेको साईतमा सप्तरंगी टिकाले निधार रंगाएका हुन । दुई दशक भन्दा बढी चलचित्र उद्योगमा निरन्तर खटिरहेका फाईट मास्टर खड्गीले करिब सात बर्षअघि नायिका जल शाहको आग्रहमा भाईटिका लगाएका थिए । यध्यप त्यो भाईटिका बाहेक अन्य कुनै भाईटिका उनलाई याद छैन ।
गएका २७ बर्षहरुमा विविध कारणले आफ्ना दिदीहरूसंग भाईटिका गर्न नपाएका खड्गी आज भने निकै खुशी छन् । काठमाण्डौको बाफल स्थित उनको घरमा आज धेरै रमाईलो भैरहेको खड्गी बताउछन् । उनी भन्दै थिए 'यहाँ निकै रमाईलो हुदैछ ।'
तीन वटा श्रीमतीका पति समेत रहेका निर्देशक खड्गीले गएका बर्षहरुमा कसरी भाईटिका मनाउथे त ? उनको उत्तर थियो ,' तीन श्रीमतीका भाईहरूलाई टिका लगाईदिएको हेरी आफ्नो चित्त बुझाउथे ।'
