डेढ दशक यता अपाङ्ग बहिनी मैना सूचिकारसंग भाईटिका लगाउदै आएका महानायक राजेश हमालले यो बर्षपनि सो भाईटिकालाई निरन्तरता दिएका छन् ।
आफ्नै दीदी डा. रिता सिहं संग बिहान भाईटिका गरेका नायक हमालले आइतबार बेलुकी जोरपाटी स्थित खगेन्द्र नवजीवन केन्द्र पुगी मैनासंग भाईटिका लगाएका हुन । सहयोगी चिरञ्जीवि आचार्यको साथ सो केन्द्र पुगेका हमाललाई मैनाले तेलले छेक्दै सप्रंगी टिका लगाईदिएकी थिइन । मैनासंग भाईटिका लगाउन सो केन्द्र पुगेका महानायक हमाल टिका लगाउदा भुईमा बसेका थिए भने मैना हृवेलचेयरमा बसी राजेशलाई टिका लगाईदिएकी थिइन् । 
टिका लगाईदिएपछी मैनाले मखमली र गोदावारीको माला अनि ढाका टोपी पहिर्राईदिएकी थिइन् । त्यसको बदलामा हमालले खाममा केही दक्षिणा राखी मैनालाई दिएका थिए । हमाल प्रत्येक बर्षको भाईटिका र आफ्नो जन्म दिनमा मैनलाई भेट्न सो केन्द्र जाने गर्दछन र यो बर्षपनि त्यसलाई निरन्तरता दिएका हुन ।
हमालको एक जना आफ्नै दिदी रिता सिहँ हुन भने काठमाण्डौको नयाँबानेश्वर निवासी नेवार समुदायकी शोभा र मैना पछी बनाएकी दिदीबहिनी हुन । शोभाको घरमा यो बर्ष जुठो परेकाले राजेशले उनीसंग नेवारी परम्परामा भाईटिका लाउन भने पाएनन् ।
