एउटै थर फरक नाम, एउटै बर्ण तर फरक काम । फरक यो कारणले कि एक भट्टराई देश हाँक्दै छन् त अर्का भट्टराई चलचित्र उधोगलाई हाँक्ने कोसिस गर्दै छन् । यहि फिल्म नगरी हाँक्न खोजिरहेका निर्देशक श्याम भट्टराईलाई देखी त्यो समय नेता बाबुराम भट्टराई निकै अचम्मित भए ।
आफ्नो फिल्म कसले चोर्यो मेरो मन हेर्न गुण सिनेमा हल ग्वार्को पुगेका नेता भट्टराईलाई निर्माता छविराज ओझाले कलाकार परिचय गराउदै थिए । करिश्मा मानन्धर, जीवन लुइटेल, आयुष रिजाल, रेश मरहठ्ठा, विनय श्रेष्ठ ऋचा शर्मा, गीतकार किरण खरेल लगायतसंगको परिचय पछी निर्देशक श्याम भट्टराईको पालो आयो । 'उहाँ डाईरेक्टर' निर्माता छविले नेता भट्टराई लाई भने ।
निर्देशक श्यामलाई देखि एक छिन त बाबुराम अच्चम्ति नै भए र भने 'तपाई पनि डाईरेक्टर ? ' बाबुरामको अचम्मको प्रश्न आएपछी छविले फेरी भने 'हो उहाँ डाईरेक्टर हो', 'तर कति सानो त ?' फेरी बाबुरामले प्रश्न गरे र अचम्मित हुदै श्यामसंग हात मिलाए । मंगलबार बेलुकीको त्यो जमघट उनीहरूको भेट पहिलो थियो ।
हुन त नेता भट्टराईले अभिनेत्री करिश्मा मानन्धर, रेखा थापा र अभिनेता भुवन केसीलाई मात्र चिन्दा रहेछन । चलचित्रकर्मीको भिडमा सानो निर्देशकले परिचित श्याम, नेता भट्टराईले आफुलाई हेर्दा अचम्मित भएपनि उनीसंग हात मिलाउन पाउदा निकै दंग परेका थिए ।
