हुन त चलचित्रको भाषामा हाईस्पिडको अर्थ विस्तारै भन्ने बुझिन्छ । तर यहाँ प्रस्तुत गर्न खोजिएको बिषय चलचित्र भित्रको हैन ।
नायिका रेजिना उप्रेतीले स्कुटी चढ्न थालेको धेरै भईसक्यो । सुटिङ्ग बाहेक अन्य समयमा रेजिना जहाँ जान्छिन आफ्नो कालो स्कुटीलाई समाति हाल्छिन् । बा २८ प ६३७० नम्बरको काईनेटिक ब्लेज चढ्ने नायिका उप्रेती यति धेरै स्पिडमा गाडी चलाउछिन कि त्यो चलाई हेर्दा जो कोही पनि एक पटक आत्तिन्छन् ।
व्यस्त सडकमा द्रुत गतिमा स्कुटी चलाई रहेको बेला यदि उनलाई कसलै जित्न खोज्छ भने उनको स्कुटीको एक्सीलेटर पनि त्यति नै धेरै बटारिने गर्दछ । हावाको तालमा बाइक चलाउने रेजिनाको त्यस्तो किसिमको बाईक चलाईले कुनै पनि बेला दुर्घटना नहोला भन्न सकिन्न ।
उनको बाइक चलाई कम्तिमा पनि ७० को स्पिड भन्दा कम हुदैन होला । उनलाई थोरै गतिमा गाडी चलाउन मन पनि लाग्दैन रे । किन यति धेरै स्पिड भन्दा उनी भन्छिन् 'स्पिड छ भन्ने कुरा मलाई थाहा नै हुदैन ।'
के हो रेजिना जी आफुले चलाएको गाडीको स्पिड पनि तपाईलाई थाहा हुदैन ? 'छिटो गए भन्न सकिन्न ढिला गए अवश्य पुगिन्छ' भन्ने उखान तपाईलाई याद छ कि छैन ?
