भर्खरै मात्र मालतीको भट्टीको छायाँकन सकेका निर्माता प्रदिप उदय अर्को चलचित्र 'हाम्रो माया जुनी जुनीलाई' को निर्माण कार्यमा जुटेका छन् ।
प्रदिपका अनुसार अहिले उक्त चलचित्रको गीतको काम भईरहेको छ । निर्माता उदयका अनुसार तीनवटा गीत फाईनल भएको र शुक्रबारबाट ति तीन गीतहरूको संगित संयोजन कार्य शुरू गरिएको छ । मंसिर १ गतेबाट सो गीतको रेकर्डिङ सुरू हुने र माघ १ गतेबाट चलचित्रको छायाँकन सुरू गरिने निर्माता उदयले जानकारी दिए ।
प्रेमकथामा आधारित रहेर निर्माण गर्न लागिएको सो चलचित्रको निर्देशन ऋषि लामिछानेले गर्दैछन् । चलचित्रमा महेश खड्काको संगीत रहने छ । सो चलचित्रका लागी मुख्य नायक नायिकाको अझै निधो भएको छैन् । निधो नहुनुको कारण पनि अर्कै छ । उनले राम्रो अभिनय क्षमता र पढेका नायक नायिकाको खोजी गरिरहेका छन् त्यो पनि २२ देखि २५ बर्षको नायक र १८ देखि २० बर्ष बीचकी नायिका ।
उमेर नै तोक्नुको कारण ? उनी भन्छन्, 'चलचित्रको कथा नै टिनेजर्स केटाकेटीमा आधारित छ ।' कलेज लाईफमा हुने प्रेम प्रसंगलाई चलचित्रको मुख्य कथाबस्तु बनाईएकोले टिनेजर्स केटाकेटी खोज्नु परेको उनको भनाई छ ।
आश गरौं, यि निर्माताले छिटो भन्दा छिटो 'खोजे जस्तै रोजे जस्तै' नायक नायिका भेटुन् । उनलाई हाम्रो शुभकामना !
