गएको आईतबार पहिलो सन्तानको रूपमा छोरीलाई जन्म दिएकी नायिका मेलिना मानन्धर तथा उनका पति एवं नायक मुकेश ढकाललाई अभिनेता श्रीकृष्ण श्रेष्ठले बधाई दिएका छन् ।
बुधबार अपरान्ह चाबहिल स्थित ओम नर्सिङ अस्पतालबाट डिस्चार्ज हुने समयमा बधाई दिन पुगेका अभिनेता श्रेष्ठले चार दिनकी मेलिना पुत्रीलाई केही नगद रूपैया दिएर मुख समेत हेरेका थिए । श्रीकृष्णले लामो हाँसो दिदै भन्दै थिए 'लौ बधाई छ ।' 
एकातर्फ मेलिना बहिनी र अर्को तर्फ मुकेश भाई पर्ने भएको भन्दै नायक श्रेष्ठले नव जात शिशुलाई भान्जी भन्ने कि भतिजि भन्ने बारेमा आफू कन्फ्यूज भएको बताए । श्रीकृष्णले मेलिनासंग धेरै बर्ष अगाडीको सुपरहिट चलचित्र जाली रूमालमा पहिलो पटकसंगै काम गरेका थिए भने मुकेशसंग एक महिना अघि छायाकंन सकिएको ऋषि लामिछाने निर्देशित चलचित्र श्रीमान श्रीमतीमा काम गरिसकेका छन् ।
मेलिना आमा भएको खबर नेपाली मिडियामा सर्वप्रथम फिल्मीखबरले सार्वजनिक गरेपछी आफुहरूलाई थुप्रै बधाई सन्देशहरू आएको मुकेश र मेलिनाले बताएका छन् ।
छोरी पाएको खबर थाहा पाए पछि पहिलो बधाई भने निर्देशक सुरेशदर्पण पोखरेलले दिएको मुकेशले बताए । यस्तै मेलिनालाई भेट्न अस्पतालमै निर्देशक आलोक नेम्वाङ्ग, नायक मुकेश आचार्य, नव नायिकाद्धय ऋचा सिहँ ठकुरी र सुमिना घिमिरे पनि पुगेका थिए ।
