पारिवारिक प्रेम कथामा निर्माण गरिएको चलचित्र 'दुई मुटु एक धड्कन' प्रदर्शनको संघारमा छ । मिराज सिने मुभिजको ब्यानरमा राजेन्द्रकुमार थापाले निर्देशन गरेको सो चलचित्रलाई बिश्व नेपालले निर्माण गरेका हुन् ।
चलचित्रमा धिरेन शाक्य, पुजना स्त्री, प्रशान्त तिवारी, शिब आचार्य, बिभुती पौडेल, रोहित कुमार, अशोक प्रधान, बिश्व नेपाललगायतका कलाकारले अभिनय गरेका छन् । राजेन्द्रकुमार थापाको कथा रहेको सो चलचित्रमा बिकाश चौधरीको संगीत रहेको छ । चलचित्रको छायाँकन पोखरा, बुटवल लगायतका स्थानमा गरिएको निर्माता नेपालले जानकारी दिए ।
