मदन घिमिरे निर्देशित चलचित्र 'फैसला' शुक्रबारबाट राजधानीका सिनेमा घरहरूमा प्रदर्शनमा आएको छ । शिव गिरी फिल्मस्को ब्यानरमा निर्माण गरिएको प्रेमकथामा आधारित चलचित्र 'फैसला' विश्वज्योति, गंगा, कलंकी, गुण, बाराही, पृथ्वी, नवदुर्गा लगायतका हलमा प्रदर्शन भएको छ ।
प्रेममा न्यायिक फैसला हुनुपर्छ भन्ने मूल भाव बोकेको सो चलचित्रमा राजेश हमाल, विराज भट्ट, रेखा थापा, ऋचा घिमिरे, सुशील पोखरेल, राज तिमल्सिना लगायतको अभिनय रहेको छ । महेश खड्काको संगीत, हिमाल केसीको द्वन्द्व, दीपक वान्तवाको छायांकन रहेको सो चलचित्रलाई शिब गिरीले निर्माण गरेका हुन् ।
करिब तीन बर्ष अगाडी उपत्यका बाहिरबाट प्रदर्शनमा आएको सो चलचित्रलाई सेन्सर बोर्डले एडल्ट सर्टिफिकेट दिएको थियो । 'हिमाललाई हिउँ ...' बोलको गीतमा ऋचा घिमिरेको उत्तेजक नृत्यको कारणले नै यो चलचित्रलाई एडल्ट सर्टिफिकेट दिईएको सेन्सर बोर्डले जनाएको छ । हुनत चलचित्रमा रेखा थापाको उत्तेजक हाउभाउ पनि हेर्न सकिने जानकारी निर्माण पक्षले दिएको छ ।
