महानायक राजेश हमाललाई पहिलो पटक फूल कमेडीमा भूमिकामा प्रस्तुत गर्न लागिएको चलचित्र 'हात लाग्यो शून्य'को आईताबार शुभ मुहुर्त गरिएको छ ।
असम्भव चिज र आफ्नो भाग्यमा नलेखिएको कुरालाई प्राप्त गर्छु भनेर जर्बजस्ती लाग्दा त्यसको परिणाम हात लाग्यो शून्य नै हुन्छ भन्ने बिषय समेटिएको उक्त चलचित्रमा हमालको २१ बर्षे चलचित्र जिवनकै फरक भूमिका रहने बताईएको छ । बिजय विक्रम बस्नेतले निर्देशन गर्न लागेको उक्त चलचित्रमा राजेशका अलवा झरना थापा, किरण केसी, शुशिल पोखरेल गोपाल ढकाल (छन्दे) लगायतका कलाकारहरू मुख्य भूमिकामा रहने छन् ।
एक जना निर्माता नवल खड्काले नरिवल फोडेर मुहुर्त गरेको सो चलचित्रको स्क्रिप्ट आफुलाई निकै मन परेको बताउदै नायक हमालले निर्देशक बस्नेत तर्फ औलाउदै भने 'उहाँले कलमले स्क्रिप्ट लेखेर त सफल हुनु भयो अब क्यामेराबाट पनि सफल हुनु होला भन्ने आशा लिएको छु ।' स्क्रिप्ट पढेपछी निकै चुनौती र फरक ट्रयाक शैलीको आफ्नो भूमिका रहेको बताउदै
हमालले आफूले पनि राम्रो अभिनय गर्ने बताएका छन् ।
श्री वि एण्ड वि इन्टरटेन्मेन्ट प्रालिको ब्यानरमा शुभ/कुष्मा पराजुली निर्माता रहेको उक्त चलचित्रको छायाकंन चाडै नै शुरू गरिने बताईएको छ । विकास चौधरीको संगीत, राम/जनकको द्धन्द्ध, लोकचन्द्र थापाले क्यामेरा चलाउने उक्त चलचित्रको प्रस्तुकर्ता विश्व नेपाल हुन् भने सहायक निर्देशक बसन्त अधिकारी हुन् ।
