नायिका रेखा थापा निकै उत्साहित थिईन त्यो बेला जव फिल्मी करिअरमै कुनै हिरोइनले आफ्नो अभिनयको तारिफ गर्दा । बुधबार सुरज सुब्बा निर्देशित चलचित्र 'बाटो मुनिको फूल' हेरिसकेपछी फष्ट लभ नायिका ऋचा शर्माले रेखाको अभिनयको खुलेरै तारिफ गर्दै रेखालाई बधाई दिईन् ।
सयौ चलचित्रको अभिनयबाट रेखाले चलचित्र क्षेत्रका हजारौ ब्यक्तिबाट यस्ता तारिफ नपाएकी हैनन् तर समग्र चलचित्र उद्योगमै नायिकाको तर्फबाट भने उनले पहिलो पटक बुधबार आफ्नो अभिनयको प्रशंसा पाएकी हुन । '१० बर्षे चलचित्रको करिअरमा एउटी नायिकाले यसरी अभिनयको प्रशंसा गर्दा आफू निकै खुशी भएको' रेखाले बताएकी छिन् । उनले भनिन् 'यसरी एउटा एकट्रेसले मेरो अभिनयको तारिफ गरेको पहिलो रेकर्ड हो ।' ऋचाको साथी तथा नायक विनय श्रेष्ठले पनि रेखाको अभिनयबाट प्रभावित हुदै रेखालाई फोन मार्फत बधाई दिएका थिए ।
आफ्ना समकछी नायिकाहरूले अहिले सम्म कुनै बधाई नदिएको सम्झदै रेखाले 'अभिनयको कदर गर्न जान्नेहरूले आज आफूलाई यसरी बधाई दिएको' बताइन् । उसैत नेपाली चलचित्र उद्योग खुट्टा तान्नेहरूको भीड भनेर परिचत नभएको हैन तर यसरी एउटी नायिकाले गरेको अभिनयलाई अर्की नायिकाले समर्थन गर्नु सम्रग चलचित्र उद्योगकै लागि राम्रो कुरा हो ।
