चलचित्र नैना रेशम निर्देशन गरेर चर्चामा आएका निर्देशक आर बि के शरदले फेरि अर्को चलचित्र निर्देशन गर्ने भएका छन् ।
शरदले निर्देशन गर्न लागेको चलचित्र 'नबोलेनी हाँसि राखन' को अहिले गीत रेकर्डिङ भईरहेको छ । यसै क्रममा सोमबार अनामनगर स्थित आरबि रेकर्डिङ स्टुडियोमा उक्त चलचित्रको शिर्ष गीतको रेकर्डिङ गरियो । बाबुराम दाहालको शब्दमा बसन्त सापकोटाको संगीत रहेको सो गीतमा राजेशपायल राईले स्वर दिए ।
नन् स्टप क्रियशनको ब्यानरमा निर्माण हुन लागेको सो चलचित्रमा पाँच वटा गीत समाबेश गरिने निर्देशक शरदले फिल्मीखबरलाई जानकारी गराए । संगितिक सामाजिक कथामा आधारित रहेर निर्माण हुन लागेको सो चलचित्रको कथा शिबम् अधिकारीले लेखेका हुन् । कलाकारमा बिराज भट्ट मात्र फाईनल भएको सो चलचित्रको छायाँकन माघ तीन गते देखि शुरू हुने बताईएको छ ।
चलचित्रमा नायिका निशा अधिकारी लिने सोच बनाईएको भएपनि उनी अमेरिका गए पछि कुन नायिका लिने भन्ने बारे अझै टुङ्गो नलागेको निर्देशकले बताए । अहिले उनी बिराज भट्टलाई सुहाउँदो नायिकाको खोजीमा छन् ।
