बाबु बेलायती र आमा नेपालीको कोखबाट २३ बर्षअघि अमेरिकामा जन्मिएका धर्मा डेब्यू हिरो संयोग पोखरेलले राम्रोसँग नेपाली बोल्न नजाने पनि अंग्रेजीको प्रयोग नगरी सवैलाई राष्ट्रियताको गतिलो उदाहरण दिएका छन् ।
सन्दर्भ थियो मंगलबार उनको पहिलो खुडि्कलो धर्माको प्रेस मिटको, जहाँ क्रमश: सो चलचित्रका टिमले एकपछी आफ्नो अनुभव सुनाईरहेको बेला कनि कनि नेपाली बोलेका संयोगले त्यो बीचमा एक शब्द पनि अंग्रेजीलाई आफ्नो प्राथामिकतामा राखेनन् । तर सँगैकी अभिनेत्री मनीषा कोइरालाले नेपालीबाट बोल्न सुरू गरेपनी अन्त्य भने अग्रेजीमा गरेकी थिईन् । 
सञ्चारकर्मीमाझ त्यो समय संयोगलाई नेपाली बोल्न निकै गार्हो भैरहे पनि उनीमा अंग्रेजी मोह कत्ति पनि नदेखेपछी उपस्थित सञ्चारकर्मी समेत अचम्ममा परेका थिए । प्रेसमिट पछी फिल्मीखबरले तपाईलाई नेपाली बोल्न कति आउँछ भनी सोधेको प्रश्नमा संयोगले १ सयमा आफूलाई ३० देखि ४० प्रतिशत भनी उत्तर दिएका छन् । यध्यपी उनको बोलीचालि र लेखाईलाई मुल्याकंन गर्दा उनलाई करिब १० प्रतिशत मात्र नेपाली बोल्न र लेख्न आउदो रहेछ ।
जन्मिएदेखि नै अमेरिकाको पढाई र बीचमा ८ देखि १२ कक्षा नेपालको लिकंन कलजेमा पढेका संयोगले त्यसपछी अमेरिकामै दुई बिषयमा स्नातक गरेका छन् । धर्मा निर्माता दुर्गा पोखरेलका छोरा संयोगले यो समय नेपाली बोल्न सिकिरहेको आमा पोखरेलले जानकारी दिएकी छिन् । उनले भनिन्, 'संयोगलाई एकदम धेरै नेपाली बोल्न मन लाग्छ त्यसैले सिकाईरहेको छु ।' धर्मामा अभिनय गर्दा पनि राम्रोसँग उसले नेपालीमा डाईलग बोलेको दुर्गाको भनाई थियो ।
