सञ्चारकर्मी समेत रहेका दिनेश डिसीले निर्देशन गरेको पछिल्लो कमेडी श्रेणीको चलचित्र दाईको ससुराली भोली शुक्रबारबाट राजधानीका करिब डेढ दर्जन सिनेमा घरमा प्रदर्शन हुँदैछ । गएको साता स्टारकाष्ट मह जोडी अभिनित कमेडी फ्लेबरको चलचित्र हाँसि देऊ एक फेरलाई रिप्लेस गर्दै उक्त चलचित्रले भोलीबाट प्रदर्शनको पालो पाएको हो ।
यस अघि नायक निखिल उप्रेतीको लागानीमा निर्माण भएको चलचित्र सावधान निर्देशन गरेका डिसीले सेक्स स्कयाण्डलमा फसेका हास्य कलाकार एवं गायक प्रकाश ओझाको साथमा निखिल उप्रेती, संचिता लुइटेल, अरूणिमा लम्साल उत्तम केसी तथा प्रिया रिजाललाई मुख्य भूमिकामा उभ्याएका छन् । एक बर्षअगाडी मोफसल प्रदर्शन भईसकेको उक्त चलचित्रलाई चिरञ्जीवी बस्नेतले निर्माण गरेका हुन ।
