चार बर्ष पश्चात एक महिनाका लागि पन्ध्र दिन अघि अमेरिकाबाट स्वदेश फर्किएकी अभिनेत्री पूजा चन्दले दश बर्ष अगाडीको आफ्नो एक सपनालाई बिहिबार पुरा गरेकी छिन् ।
उनको त्यो सपनालाई पुरा गर्ने काम भने निर्देशक प्रशन्न पौडेलले गरिदिएका छन् । दश बर्ष अगाडी विभिन्न गायक गायिकालाई साथमा लिएर रेकर्ड गरिएका उनका विभिन्न दश गीत मध्ये अनिल शाहीको संगीतमा सपना श्री ले गाएको 'कसरी सम्झाउँ म ,यो नबुझेको मनलाई...' म्यूजिक भिडियो मार्फत पुजा दर्शकमाझ आउन लागेकी हुन् ।
केही महिना अघि आफ्ना ती गीतहरूलाई समेटर उनले अमेरिकामा अडियो एल्बम 'कसरी सम्झाउँ' सार्वजनिक गरेकी थिईन् र त्यही एल्बम भित्रको एक गीतलाई नेपाल आएको मौकामा उनले दर्शकलाई म्यूजिक भिडियो उपहार दिन लागेकी हुन् । 'अबको केही दिन भित्रै भिडियो दर्शकमाझ पुगि सक्ने 'पुजाको भनाई छ ।
पूजाले बताए अनुसार उनको सो म्यूजिक भिडियोलाई अमेरिका जानु अघि एक पत्रकार सम्मेलन मार्फत सार्वजनिक गर्ने छिन् । ललितपुरको गोदावरीमा सुटिङ गरिएको सो म्यूजिक भिडियोमा पूजाको अलवा नायक दिवस उप्रेती र रोमीले अभिनय गरेकी छिन् । रोमी पुजाको भतिजी हुन् ।
