बिगत लामो समयदेखि नृत्य सम्बन्धि प्रशिक्षण दिँदै आएको राजधानी कला केन्द्रले पनि चलचित्र निर्माणमा हात हाल्ने भएको छ । अबको केहि महिनामा चलचित्रको निर्माणकार्य थालनी गर्ने केन्द्रका सञ्चालक तथा नृत्य निर्देशक दिनेश अधिकारीले जानकारी दिए ।
अहिले दिनेश चलचित्रको लागी नयाँ नायिकाको खोजीमा छन् । चलचित्रको कथा अनुसार नायक सुमन सिंहको जोडीको रूपमा प्रस्तुत गर्न लागिएकाले सुमन संग फिट हुने नायिका खोजिरहेको दिनेशले बताए । आखिरमा कस्ती नायिका खोज्दै छन त उनी ? दिनेशले भने 'अभिनयनमा तीब्र इच्छा भएकी, प्लसटू पढ्दै गरेकी ।'
बीग प्रोजेक्ट भनिएको उक्त चलचित्रको निर्देशकको नाम भने नखुलाएका दिनेशले चलचित्रको मुहुर्तको दिन नै निर्देशकको नाम सार्वजनिक गर्ने बताए । आखिर को होला त्यो निर्देशक ? दिनेशले भने, 'दर्शकहरूले चिनेको,तर निर्देशक बन्छ भनेर नसोचेको व्यक्ति ।'
