
बल्ल बल्ल भेट भो दर्शन नमस्ते लगायतका थुप्रै सुपरहिट गीत गाएर छुट्टै चर्चा कमाएका गायक राजेश पायल राईको कथामा फिल्म बन्ने भएको छ ।
केही प्रतिशत कथा उनको बास्तविक जीवनमा आधारित रहने उक्त फिल्मलाई निर्देशक दिपक श्रेष्ठले निर्देशन गर्ने भएका छन् । फिल्मीखबरसंगको कुराकानीमा दिपकले फरक धारको सिनेमा बनाउने जमर्को गरेकाले गायक राजेशपायललाई आफ्नो हिरो बनाउने निर्णय गरेका हुन । फिल्म पूर्ण रूपमा सागीतिक प्रेम कथामा आधारित हुने छ । यस्तै दिपकले राजेशका अलवा गायक सविन राईलाई पनि आफ्नो फिल्मको हिरो बनाउने तयारी समेत रहेको बताए । पञ्चकन्या पिर्क्चसको ब्यानरमा अर्ठ्ठाईसौ प्रोजेक्टको तयारीमा रहेका दिपकले हिरोमा राजेशपायल पक्का भैसकेपनि कथा अनुसार हिरोइन फाईनल हुन बाकी रहेको जानकारी दिएका छन् ।
उता राजेश पायल पनि निर्देशक दिपकको हिरो बन्ने भएपछी मख्ख छन् । उनी भन्छन् 'हिरो बन्न पाएको म निकै खुशी छु ।' सो फिल्मको टाईटल अनुसार उनको हिट गीत बल्ल बल्ल भेट भो दर्शन नमस्तेलाई पनि चलचित्रमा समेटिने भएको छ । राजेशपायलले यस अघि उदय सुब्बा निर्देशित चलचित्र गुण्डाराजमा इन्सपेक्टरको मुख्य भूमिका निर्वाह गरेका थिए । त्यस्तै उनले लिम्बु भाषाको चलचित्र 'जी माला 'मा पनि भिलेनको रोल गरेका छन् ।
आगामी माघ महिनाबाट छायाकंनमा जान लागेको दर्शन नमस्तेमा उनी पूर्ण रूपमा हिरो भएर दर्शकमाझ आउदै छन् । हेरौ गीत गाँउन निकै सफल भएका राजेश पायल हिरोको भूमिकामा कतिको सफल हुन्छन ?