मिसन पैसा तथा सफल चलचित्र फष्टलभका निर्देशक सिमोस सुनुवार बाईक दुर्घटनामा परेका छन् । हिजो बिहिबार मध्यान्न साढे १२ बजेको समयमा प्लेजर कालो स्कुटर चलाईरहेको बेला उनलाई काठमाण्डौको सहिद गेट अगाडी बसले ठक्कर दिएको हो ।
ढिलो गरी प्राप्त भएको समाचार अनुसार बसको ठक्करको कारण उनको दाहिने खुट्टा भाँचिएको छ । खुट्टा भाँचिएपछी टेकु अस्पताल भर्ना गरिएको सिमोसको खुट्टामा प्लसटर गरिएको छ । अवस्था सामन्य रहेपनि उनी यो समय दुई साताको लागी बेड रेष्टमा घरमा छन् ।
थ्रीलर लभस्टोरीमा आधारित चलचित्र अनसिन पावर निर्देशन गर्ने तयारीमा रहेका सिमोस दुर्घटनामा परेका कारण अव त्यो प्रोजेक्ट केही समय ढिला सुरु हुने निश्चित पनि छ । अकस्मात दुर्घटनामा परेका सिमोसलाई फिल्मीखबर परिवार सिघ्र स्वास्थ्य लाभको कामना गर्दछ ।
