गएको कात्तिक आठ गतेबाट सुरू भएको दीपक रायमाझी निर्देशित चलचित्र 'चाँडै आऊ है' को छायाकंन शनिबार समाप्त भएको छ ।
राजधानीको जोरपाटी स्थित चापागाईं स्टुडियोमा साँझ करिब ७:३० मा सो चलचित्रको इन्डक्ल्याप गरिएको हो । चलचित्रको इन्डक्ल्याप सर्ट नायिका झरना थापा, सुमन सिंह र रश्मी भट्टले दिएका थिए ।
.jpg)
वेभ प्रोडक्सनको ब्यानरमा निर्माण भएको उक्त चलचित्रमा झरना र सुमनका अलवा निता ढुङ्गाना र आयुब केसीले जोडी भएर अनस्क्रिन रोमान्स गरेका छन् । तेईस बर्षअघि भाग्य रेखा निर्देशन गरेका रायमाझीले कुनै पनि विदेशी चलचित्रबाट कपि नगरी यो फिल्म बनाईएकाले उत्कृष्ट बनाउन कुनै कञ्जुर्साई नगरेको बताए ।
प्राय: प्रेमकथामा आधारित चलचित्र निर्देशन गरेर ग्ल्यामर निर्देशकका रूपमा परिचित निर्देशक रायमाझीले निर्देशन गरेको चलचित्र 'चाँडै आऊ है' बिदेसिएका युवालाई स्वदेश र्फकन आह्वान गरिएको कथामा आधारित छ । सधैं ग्ल्यामर, माया-प्रेम र द्वन्दका कथामा चलचित्र बनाएर दर्शकलाई दिक्क लागेको अवस्थामा यसपाली भने छुट्टै कथाबस्तु रोजेको दिपकले बताए ।
दिब्या सुवेदीको छायाकंन, एनबी महर्जनको द्धन्द,राजु शाहको नृत्य निर्देशन तथा चेतन सापकोटको संगीत रहेको उक्त चलचित्र केहि दिनमै सम्पादनमा जाने दिपकको भनाई छ । दिपकले बताए अनुसार उनले क्रमश: नयाँ चलचित्रहरू डेस्टीनेशन काठमाण्डौ, महानायक राजेश हमाललाई लिएर भाञ्जा बाबु र गर्लफ्रेण्ड निर्देशन गर्दैछन् ।
