मिति : २०८१ चैत्र २२, शुक्रवार

Nepal's No.1 Filmy Web Magazine

  • Current Rating
  • 1
  • 2
  • 3
  • 4
  • 5
(0 vote, avg 0.00/5.00)
Text size:-
+
-

अबरूद्व 'तुलसी' को छायाँकन शुरू गरिने

फिल्मीखबर, काठमाण्डौ, 2010/12/18

बिगत सात महिना देखि अबरूद्व चलचित्र 'तुलसी' को छायाँकन पौष १७ गतेबाट शुरू गरिने भएको छ । गत बैशाख महिनामा शुरू भएको सो चलचित्रको छायाँकन जेष्ठ महिनाको दोस्रो साता तिरबाट अबरूद्व भएको थियो ।

 

वर्ल्डवाईड मुभि मेकर्सको व्यानरमा ऋचा प्रोडक्सनको प्रस्तुती रहेको सो चलचित्रको ३ वटा गीतको छायाँकन गर्न बाँकी रहेको चलचित्रका निर्देशक शंकर घिमिरेले फिल्मीखबरलाई जानकारी दिए । बिबिध कारण देखाउँदै छायाँकन गर्न नसकेको चलचित्र 'तुलसी' को छायाँकन सात देखि १० दिन भित्रमा सक्ने निर्देशकले बताए ।

 

छायाँकनको शुरूवातमा रहेका प्रोडक्सन म्यानेजर गणेश ढकाल र क्यामेराम्यान दिपक बज्रचार्यसँग कुरा नमिलेपछि अब भने नयाँ प्रोडक्सन म्यानेजर र क्यामेराम्यानसँग काम गर्ने उनको भनाई छ । वर्गीय प्रेमकथामा आधारित यो चलचित्रमा ऋचा घिमिरे, आयुष रिजाल, बिमलेश अधिकारी, जयकिशन बस्नेत, बिष्णु सापकोटा, लोकनाथ सापकोटालगायतका कलाकारको भुमिका रहेको छ । चलचित्रका गीतमा रनजित गजमेरले संगीत दिएका छन् ।

 

चलचित्र 'तुलसी' को छायाँकनसँगै निर्देशक शंकरले आफ्नो अर्को प्रोजेक्ट अन्तर्गत निर्देशन गर्ने एक चलचित्रको नाम पनि घोषणा गर्नेछन् ।  यहि तुलसीको गीतको बाँकी रहेको काम र अर्को चलचित्रको गीत रेकर्डिङ गर्न निर्देशक घिमिरे र नायिका ऋचा आइतबार मुम्बई जाँदैछन् । गीत रेकर्डिङ गरेर आफूहरू चार दिनमा नेपाल फर्कने नायिका ऋचाले बताईन् ।

 


शंकरले निर्देशन गरेको चलचित्र 'वीरताको चिनो' भने यहि फाल्गुन महिनाको अन्तिम साता देशभर एकसाथ प्रदर्शनमा आँउदै छ ।