मानिसको जीवनमा जन्म प्रेम विवाह बिछोड द्वन्द्व कलह दुश्मनी मृत्यु सबै कुरा अचानक नै हुन्छ भन्ने कथाबस्तुमा आधारित रहेर निर्माण गरिएको चलचित्र 'अचानक' पुष २३ गतेदेखि देशभर एकसाथ प्रदर्शनमा आउने भएको छ ।
तिरुपति पिक्चस्र प्रालिको व्यानरमा निर्माण नियन्त्रक सरोज शर्माले पहिलो पटक निर्माण गरेको सो चलचित्रलाई देशभक्त खनालले निर्देशन गरेका हुन् । निखिल उप्रेती, दिलिप रायमाझी, गौरी मल्ल, धीरेन शाक्य, सृजना बस्नेत, उषा पौडेल, रेजिना उप्रेती, सुनीलदत्त पाण्डे, सुनील थापा, विक्रान्त बस्नेत, जेसिका खड्का, सुभाष गजुरेल, पुष्कर घिमिरे, राजु घिमिरे, सारांश थपलिया लगायतले अभिनय गरेको सो चलचित्रको कथा निर्देशक खनालले लेखेका हुन् ।
चलचित्रमा महेश खड्कको संगीत, गोविन्द राईको नृत्य, एनबी महर्जनको द्वन्द, दीपक ढकालको छायाँकन, तारा किम्भेको सम्पादन रहेको छ भने चलचित्रका गीतहरू डा. कृष्णहरि बराल, दिनेश सुवेदी र दयाराम पाण्डेले लेखेका हुन् । यो चलचित्रको डिस्ट्रिब्युशनको जिम्मा डिजिटल सिनेमा नेपालले लिएको छ ।
