दश बर्षअघिको आफ्नो सपनालाई सकार पार्दै अभिनेत्री पूजा चन्दले आफ्नो गीति एल्बम 'कसरी सम्झाऊ' लिएर दर्शक र श्रोतामाझ आएकी छिन् ।
चार बर्षछी एक महिने विदाको लागि अमेरिकाबाट नेपाल आएकी अभिनेत्री चन्दले रेकर्ड गरिएको आफ्ना पूराना दश गीत मध्ये एल्बम अनुसारको शिर्षगीत कसरी सम्झाऊ म बोलको एक गीतको साथमा सो गीतमा आधारित म्यूजिक भिडियो पनि दर्शकका लागि उपहार स्वरूप ल्याएकी छिन् । मंगलबार एक औपचारिक कार्याक्रममा उनले आफ्नो त्यो उपाहर अडियो सिडी र म्यूजिक भिडियोलाई लोकार्पण समेत गरेकी छिन् । सो म्यूजिक भिडियोलाई प्रशन्न पौडेलले निर्देशन गरेका हुन । बरिष्ठ चलचित्र निर्देशक यादव खरेलले नेपालकी पहिलो अभिनेत्री भुवन चन्द, त्यस्तै बसुन्धरा भुसाल र सुभद्रा अधिकारी लगायत विभिन्न व्यक्तिको उपस्थितमा सो एल्बम विमोचन गरेका थिए । 
बिमोचन कार्याक्रममा बोल्दै अभिनेत्री चन्दले केही समयका लागि चलचित्र क्षेत्रबाट आफू टाढा भएपनि पछाडी हट्न नसक्ने बताईन् । गीत लेखन कार्य सुरूवात नभई पुरानै भएको बताउदै उनले आफ्ना दर्शक र श्रोतालाई भनेकी छिन् कृपया सुनेर कमेन्ट गरिदिनुहोला ।
पूजा इन्टरटेन्मेन्टको ब्यानरमा म्यूजिक नेपालले बजारमा ल्याएको उक्त एल्बममा दश गीत समावेश गरिएका छन् । दश मध्ये तीनवटा गीतमा सपनाश्री त्यस्तै रामकृण ढकाल, रीमा गुरूङ होडा, सुनील बर्देवा, थुपप्देन भुटिया, पवित्र सुब्बा, इश्वर अमात्य, सञ्जय खड्गी र यम बरालले स्वर दिएका छन् । ती गीतहरूमा राजु सिहं, सचिन सिहं, न्ह्यू बर्जचार्य, शक्ति बल्लभ, अनिल शाहीले लगायतले संगीत भरेका छन् ।
पूजा एक महिने विदा सकेर आगामी २९ तारिख अर्थात पौस १४ गते आफ्नी आमालाई साथमा लिएर पुनः अमेरिका प्रस्थान गर्दैछिन् ।
