भोली बिहिबार पूर्वाञ्चलको इटहरीमा आयोजना हुने भनिएको प्रदर्शकहरूको पूर्वाञ्चल भेला विशेष कारणबस चार दिन पर सरेको छ ।
नेपाली चलचित्र उद्योगलाई व्यवस्थित मर्यादित र प्रतिष्ठीत बनाउने लक्ष्यसहित आयोजना हुन लागेको उक्त भेलामा काकडभिट्टा देखि बीरगञ्ज सम्मका सिनेमा हल सञ्चालकहरू एक साथ भेला भै भावी योजना सार्वजनिक गर्ने कार्याक्रम थियो । 'विशेष कारणबस चार दिन पर सारेका हौ' आयोजक चलचित्र संघका उपाध्यक्ष प्रदिप कुमार उदयले फिल्मीखबरलाई जानकारी दिए । अब उक्त भेला सोही स्थानमा आगामी पौष १२ गते बिहान ११ बजे हुने प्रदिपको भनाई छ । भेलालाई चलचित्र संघका पूर्व अध्यक्ष तथा निर्माता उद्धव पौडेलले उद्दघाटन गर्दैछन् ।
यो बर्षको लागि पहिलो चरणको उक्त भेला क्रमश तीन महिना भित्रमा अन्य चार विकास क्षेत्रमा पनि आयोजना गर्ने चलचित्र संघको योजना छ । सहिलाई सहि र गलतलाई गलत भन्ने निर्णय सहित सो भेलाबाट पूर्वाञ्चलका सवै हल सञ्चालकहरू एक ढिक्का हुदैछन् ।
