चार बर्षपछि गएको मंसिर आठ गते स्वदेश आएकी अभिनेत्री पूजा चन्द एक महिने नेपाल बसाईपछी पुनः अमेरिका प्रस्थान गरेकी छिन् ।
पूजाले मंगलबार बेलुकी साढे सात बजे नेपाल भूमि छाडेकी हुन् । एक महिने नेपाल बसाईमा उनले आफ्नो दश बर्ष अघिको सपना गीति एल्बम 'कसरी सम्झाऊ' रिलिज गर्नुको साथै सो एल्बमको शिर्ष गीतको एक म्यूजिक भिडियो समेत आफ्ना फ्यानहरूलाई उपहार दिएर गएकी छिन् । पूजाले आफ्नी सत्र बर्षीया छोरी दिब्याको हेरचाहको लागि आमालाई समेत अमेरिका लगेकी छिन् । अबका केही बर्ष उनी अमेरिकामै बस्ने छिन् र केही बर्षको अन्तरालमा सधैको लागि नेपाल फर्कदैछिन् ।
एक महिने नेपाल बसाईमा भने जस्तो योग्य पुरूष पाए दोस्रो बिवाह गर्ने बताएकी पूजाले खोजे जस्तै योग्य पुरूष पाईन वा पाईनन त्यो त उनलाई नै थाहा होला । जे होस छोटो विदा मिलाएर स्वदेश आएकी पूजाले सवैको मन जितेर गईन् । शुभ यात्रा पूजा !
