कुनै समय राजेश हमाल र करिश्मा मानन्धरको जोडी नम्बर वान थियो । धेरैवटा फिल्ममा जोडी भएर देखिएका यि दुईलाई अधिकाश दर्शक र केही चलचित्रकर्मीले प्रेमि प्रेमिका भनेर संज्ञा पनि दिने गर्थे । हुन पनि हो, नायक हमाल र नायिका मानन्धरको जोडी चलचित्र उधोगमा उदाहरणिय जोडीको रूपमा दर्शक तथा चलचित्रकर्मीले हेरेको कुरालाई नकार्न सकिंदैन ।
करिष्मासँग हमालको जोडी छुट्टिएपछी धेरैले हमाल एक्लिएको महसुस पनि गरे । एक्लिएका हमालको बेचैनीलाई बुझेर होला एक निर्माताले उनलाई एउटा अचम्मको प्रस्ताव गरेको बुझिएको छ । प्रसङ्ग हो नायिका करिष्माको १६ बर्षिया छोरी कविताको । अचम्मको प्रस्ताव यो छ कि, १६ बर्षिया कवितालाई ति निर्माताले ४७ बर्षिय नायक हमालसँग जोडीको रूपमा पर्दामा उतार्ने प्रस्ताव गरेका छन् ।
यसरी प्रस्ताव गरिएता पनि दुबै जनाले सो प्रस्तावलाई स्विकार भने गरिसकेका छैनन् । बुझ्नमा आए अनुसार कविता चलचित्र उधोगमा आउन अझै इच्छुक देखिएकी छैनन् । कविताकी आमा नायिका करिष्मा पनि भन्छिन्, 'कवितालाई फिल्म खेल्ने इच्छा छैन ।' कक्षा १० मा अध्ययनरत कविताले आफूले आफ्नो भविष्यको बारेमा अझै केहि नसोचेको बताएकी छिन् । तर कविताको भविश्यको बारेमा सोच्ने यि निर्मातालाई भने मान्नै पर्छ ।
