योगेश घिमिरको निर्देशनमा प्रज्ञा जोशीले निर्माण गरेको चलचित्र 'न बिर्से तिमिलाई न पाएँ तिमिलाई' को प्रोमोशन पोष्टरबाट सुरू गरिएको छ । आगामी पौष ३० गते देखि प्रदर्शनमा आउन लागेको सो चलचित्रको डीजटल ट्रान्सफरका लागि केही दिन अघि मुर्म्बई गएका निर्देशक घिमिरेले अनलाईन सामाजिक सञ्जाल फेसबुकमा आफ्नो चलचित्रको फष्टलुक पोष्टरबाट प्रमोशन सुरू गरेका हुन ।
सो पोष्टरमा उनले केही सञ्चारकर्मी तथा नजिकका चलचित्रकर्मीलाई ट्याग समेत गरेका छन् । ट्याग गरिएको पोष्टरमा चलचित्रका मुख्य कलाकार झरना थापा, विराज भट्ट र बाबु बोगटी रहेका छन् । प्रज्ञा फिल्मसको ब्यानरमा निर्मित सो चलचित्रको अडियो लन्च र पोष्टर एक साथ सार्वजनिक गर्ने तयारी भएपनि निर्माता जोशीको परिवारमा शोक परेकाले अडियो विमोचन स्थगित भएपछी घिमिरेले फेसबुक साहारा लिदै फिल्मको प्रोमोशन सुरू गरेका हुन ।
नाच्न चाहने केटीको कथालाई समेटेर निर्माण गरिएको उक्त चलचित्रमा चलचित्रको शिर्षक अनुसार विपिन किरणको शब्दमा अञ्जु पन्तले गाएको हिट गीत 'न बिर्से तिमिलाई न पाएँ तिमिलाई' पनि समावेश गरिएको छ ।
