एक्सन प्रधान र प्रेम कथामा आधारित फिल्मको ट्रेन्ड चलिरहेको बेला अब भुतको कथामा आधारित फिल्म सन्त्रास बन्ने भएको छ ।
सगीछा फिल्मस इन्टरटेन्मेन्ट प्रालिको व्यानरमामा चलचित्र प्राविधिक संघका महासचिव मनोज केसीले निर्माण गर्न लागेको सो चलचित्रको छायाकंन पर्सी बुधबारदेखि चरिकोटबाट सुरू हुदैछ । दोस्रो चलचित्र सन्त्रास बनाउन लागेका मनोजले यस अघि त्रिदेव भन्ने चलचित्र निर्माण गरेका थिए । दिनेश कार्कीले निर्देशन गर्ने उक्त हरहर फिल्म पूर्णरूपमा थ्रीलरमा आधारित हुने बताईएको छ । मुकेश आचार्य, क्षितिजा शाक्य, जयकिसन बस्नेत तथा द्धन्द निर्देशक राजेन्द्र खड्गीको छोरी रागिनीको इन्ट्रोडोक्सन रहने उक्त चलचित्रलाई मोहन निरौलाले लेखेका हुन ।
इएक्स थ्रीको नयाँ भर्सनको क्यामेराले छायाकंन गर्न लागिएको उक्त चलचित्रमा आलोक श्री र बसन्त सापकोटाको संगीत साथै अष्ट महर्जनको द्धन्द निर्देशन रहने जनाईएको छ ।
