पारिवारिक कथामा आधारित रहेर निर्माण गरिएको चलचित्र 'सासु-ससुराको प्यार' शुक्रबारबाट राजधानी र राजधानी बाहिरका हलहरूमा प्रदर्शन हुँदैछ ।
नायक तथा निर्माता कल्याण घिमिरेद्वारा निर्मित चलचित्र सासू-ससुराको प्यार राजधानीको विश्वज्योति, गंगा, गोपीकृष्ण, गुण, वाराहीसँगै मोफसलको बनेपा, जिरी, पोखरा, नेपालगन्ज, विराटनगर लगायतका करिब २६ सिनेमा घरमा एकसाथ प्रदर्शनमा आउँदै छ ।
दुर्गा देवी सिने आर्टस्को ब्यानरमा निर्मित सो चलचित्रमा कल्याण घिमिरे, गरिमा पन्त, उषा पौडेल, लक्ष्मी गिरी, रमा थपलिया, नन्दु श्रीवास्तव लगायतले अभिनय गरेका छन् । केदार पौडेलको निर्देशन रहेको सो चलचित्रमा कुमार महर्जनको द्वन्द्व तथा भुवन श्रेष्ठको नृत्यनिर्देशन रहेको छ । यो चलचित्रलाई भोजपुरी भाषामा पनि हेर्न सकिनेछ । यसैगरी कल्याणले निर्माण गरेको अर्को चलचित्र 'श्रीमान्' पनि छिट्टै प्रदर्शन हुँदैछ ।
