स्थापना भएको तीन बर्षमा पहिलो पटक वितरक डीजीटल सिनेमा नेपाल (डीसीएन) ले चलचित्र चिनो बाट नयाँ रेकर्ड कायम गर्ने भएको छ ।
हाल देश भर ८७ वटा डीजटल सर्भर रहेको सो संस्थाले आगामी पौष ३० गते देखि देशव्यापी प्रदर्शनमा आउन लागेको चलचित्र चिनोलाई पहिलो पटक एक साथ ७० वटा सिनेमा घरमा रिलिज गर्ने निर्णय गरेको छ । यस्तै उता सो चलचित्रका निर्माता एवं निर्देशक सोभित बस्नेतले डीसीएन प्यानलबाहेक अन्य थप पन्ध्र स्थानमा समेत आफ्नो फिल्म एक साथ लाग्ने भएपछी नेपालको इतिहासमै धेरैवटा हलमा चिनो बाहेक अन्य फिल्म नलागेको दाबी समेत गरेका छन् । 
उता डीसीएन महाँप्रबन्धक अशोक शर्माले पनि आफ्नो सर्भरबाट पहिलो पटक ७० वटा हलमा एक साथ फिल्म देखाउन पाईएको खुशी व्यक्त गरेका छन् ।
यस्तै मसलेदार चलचित्र बनाउने सोभितले आफ्नै सक्रियातामा आज भन्दा आठ दश बर्षअघि पनि वितरक संस्था विना ३० देखि ३५ स्थानमा फिल्म लगाउने गर्थे । यो समय सोभित फिल्म चिनोको प्रोमशनमा निकै व्यस्त छन् । सो चलचित्रमा नायिका रेजिना उप्रेतीको विभिन्न रियल स्टण्ड समेत देख्न पाईनेछ भने द्धन्द निर्देशक राजेन्द्र खड्गीलाई तेस्रो लिङ्गीको रूपमा फरक प्रस्तुतीमा हेर्न पाईनेछ ।
