सिक्किमका विभिन्न स्थान हुदै चितवन अनि काठमाण्डौमा सुटिङ्ग भएको विजय थापा निर्देशित छैठो चलचित्र 'जब जब माया बस्छ' को ४३औ दिनका दिन छायाकंन समाप्त भएको छ । आज अन्तिम छायाकंन अस्पातालमा एक सिन गरिएको थियो ।
अनन्या सिने मेकर्स प्रालिको ब्यानरमा मणिराम पौडेलले निर्माण गरेको सो चलचित्रमा रेखा थापा, जीवन लुइटेल, श्रृजना बस्नेत, गणेश उप्रेती तथा बिष्णु सापकोटा मुख्य भूमिकामा छन् । यस्तै सुटिङ्ग प्याकअप भएपछी सो यूनिटले आफ्नै टिमका लागि शनिबार साँझ सानो पार्टी समेत आयोजना गरेको थियो ।
एक सातापछी सम्पादनमा जाने भनिएको उक्त चलचित्रमा डिक खड्काले क्यामेरा चलाएका छन् भने सचिन सिहंको संगीतमा गोविन्द राईको नृत्य तथा हिमाल केसीको द्धन्द निर्देशन रहेको छ ।
