तपाईको चलचित्र कहिले प्रर्दशनमा आउँछ त ? चलचित्र अचानकका निर्माता सरोज शर्मालाई प्रश्न राख्दा उनि भन्थे, 'मेरो चलचित्र अचानक अचानकै प्रर्दशनमा आउँछ ।'
महिना दिन अघि चलचित्र अचानक अचानकै रुपमा पौष २३ गतेबाट प्रर्दशनमा आउने हल्ला चल्यो । यसका निर्माता शर्मा पनि आफ्नो चलचित्र २३ गतेबाट नै प्रर्दशनमा आउने हल्ला संचारमाध्यममा पिटाउन तल्लिन देखिए । तर अचानक प्रर्दशनमा आउने भनिएको चलचित्र अचानक प्रदर्शन मिती अर्थात पौष २३ गते कटिसकेको छ । यो चलचित्रको न त कुनै हल्ला छ न त अहिले निर्माता नै कहाँ छन् भन्ने कसैलाई अत्तो नै छ ।
अचानक अचानकै रुपमा प्रर्दशनमा आउने हल्ला गरीयो र हाल अचानकै तरीकाबाट गायब भएको छ । अव यो चलचित्र कहिले प्रर्दशनमा आउँछ भनेर भनिहाल्ने अवस्था छैन । चलचित्र अचानकलाई डिजीटल सिनेमा नेपालले प्रर्दशन गर्ने भनिएको थियो । तर चैत्र महिनासम्म यो चलचित्रको कुनै प्रर्दशन मिति डिसिएनसँग छैन । यस वारेमा फिल्मीखवरले उक्त संस्थासँग वुझ्दा चलचित्रको प्रिन्ट नआएकाले प्रर्दशन मिती अनिश्चित वनेको वुझिएको छ ।
चलचित्रका निर्माताले प्रर्दशनको मिती सम्म पनि चलचित्रको प्रिन्ट उपलब्ध गराउन नसक्दा अहिले यो चलचित्र र निर्माता दुवै गायब छन् । यसरी अचानक चलचित्रको वारम्वार अचानक किसीमले नौटंकि देख्न पाईएको छ । देशभक्त खनालले निर्देशन गरेको यो चलचित्रमा निखिल उप्रेती, दिलीप रायमाझी , उषा पौडेल र जेशिका खड्काको मुख्य भूमिका रहेको छ ।
चलचित्रका निर्माता र निर्देशकविच पनि चलचित्रको छायांकनको समाप्तीसँगै मनमुटाव चर्केको थियो र हाल उनिहरुको सम्वन्ध विग्रीएको वुझिएको छ । यतिसम्मकि निर्देशक खनालले चलचित्र अचानकको अडियो क्यासेटको कभर समेत च्यातेका थिए । यसरी चलचित्र अचानकको अहिले अत्तोपत्तो नहुँदा अचानक अचानकै गायव भएको विश्लेषण चलचित्र वृत्तमा गर्न थालिएको छ ।
