प्रज्ञा जोशीको निर्माणमा योगेश घिमिरेले निर्देशन गरेको चलचित्र न बिर्सें तिमीलाई न पाएँ तिमीलाई को प्रिमियर गरिएको छ ।
बुधबार साँझ चाबहिल स्थित गोपीकृष्ण सिनेमा भवनमा विभिन्न चलचित्रकर्मीको उपस्थितमा गरिएको उक्त प्रिमियरमा सो चलचित्रका मुख्य तीन कलाकार मध्येका बाबु बोगटी बाहेक झरना थापा र विराज भट्टको उपस्थिति भने थिएन । प्रिमियर पश्चात उपस्थित चलचित्रकर्मीहरूले ब्यापार राम्रो गर्न सक्ने सम्भावना उक्त फिल्ममा देखेको प्रतिक्रिया दिएका थिए । 
नाच्न चाहने केटीको कथालाई भावनात्मक एवं त्रिकोणात्मक प्रेमकथामा आधारित भएर निर्माण गरिएको उक्त फिल्ममा निर्देशक र क्यामेराम्यानका केही कमजोरी बाहेक अन्य पक्षहरू औसत छन् । प्राय सवै कलाकारको औषत अभिनय देख्न पाईने सो चलचित्र आगामी शुक्रबारबाट देशब्यापी प्रदर्शनमा आउदैछ ।
युवराज राईको छायाकंनमा महेश खड्काको संगीत रहेको सो चलचत्रिमा गोविन्द प्रभात र गोविन्द राईको नृत्य तथा रोशन श्रेष्ठको द्धन्द निर्देशन समावेश गरिएको छ । चलचित्रको शिर्षक अनुसार विपिन किरणको शब्दमा अञ्जु पन्तले गाएको हिट गीत न बिर्सें तिमीलाई न पाएँ तिमीलाई पनि अन्तिममा हेर्न सकिने छ ।
