लामो समय देखि स्पाईनल कर्डको समस्याको कारण मुम्बईको रईजा अस्पतालमा उपचार गर्राईरहेको पार्श्व गायक कुमार कान्छाको निधन भएको छ ।
उनी निकटस्त संगीतकार आलोक श्रीले दिएको जानकारी अनुसार अपरान्ह ३ बजे अस्पतलले उनलाई मृत घोषित गरेको हो । २० बर्ष अघि तुलसी घिमिरे निर्देशित चलचित्र चिनोको 'बताईसैले उडाई लग्यो माया मेरो....' भन्ने गीतबाट पार्श्व गायन सुरू गरेका कान्छाले करिब १ सय नेपाली चलचित्रमा स्वर दिएका छन् । उनले पछिल्लो समय 'साईनो' नामक एल्बम पनि निकालेका थिए । दुई छोराका पिता कान्छाको एक श्रीमती पनि मुम्बईमा छिन् ।
पिता मनबहादुर शाह जागिरको सिलसिलामा दैलेखबाट कोलकाता पुगेका बेला कुमार २०१४ मंसिर २८ मा जन्मिएका थिए । उनले 'लाहुरे' 'कोसेली' जस्ता चलचित्रमा अभिनय पनि गरेका थिए । भारतमा भने उनले २५ भन्दा बढी भाषाका एक हजारभन्दा बढी गीत गाएका छन् । यस्तै उनले 'पीया कर गावँ' नामक चलचित्रमा उत्कृष्ट अभिनय गरेबापत राष्ट्रियस्तरको पुरस्कार पनि पाएका थिए ।
गायक कान्छाले चलचित्र 'तुलसी' का लागी गाएको गीत अहिले चितवनमा छायाँकन भईरहेको छ । यस दुखद घडीमा स्वर्गीय कान्छा प्रति फिल्मीखबर डटकम परिवार हार्दिक श्रद्धाञ्जली व्यक्त गर्दछ ।
