स्पाईनल कर्डको समस्यबाट विरामी भई दुई दिन अघि निधन भएका पार्श्व गायक कुमार कान्छाले गाएका १२ वटा उत्कृष्ट गीतहरूको संगालो एल्बम 'बेष्ट आफ कुमार कान्छा २०६७' लाई सार्वजनिक गरिएको छ ।
उपचारको क्रममा घर सम्पती सवै सकिएर पनि जिवन बचाउन नसकेका उनका परिवारलाई आर्थिक सहयोग गर्ने हेतुले चार जना संगीतकर्मी दीप श्रेष्ठ, दीप तुलाधर, सुनिल मास्के र राजु बाबु श्रेष्ठले उक्त एल्बमको बुधबार संयूक्त विमोचन गरेका हुन । उक्त एल्बमको विक्रि वितरणबाट उठेको सम्पूर्ण रकम कुमार कान्छा स्वास्थ्य उपचार सहयोग समिति अर्न्तगत कान्छाको परिवालाई हस्तान्तरण गरिने उनीहरूको भनाई छ । दिईएको जानकारी अनुसार उपचारमा पैसा नपुगेपछी कान्छाको परिवार बस्दै आएको फ्ल्याट समेत बन्धकीमा राखिएको छ । जस अनुरूप सो बन्धकी फुकाउन एल्बमबाट उठेको केही रकमले परिवारलाई राहत पुग्ने बताईएको छ ।
यस्तै दश दिन तयार गरिएको सो एल्बमलाई कान्छाको निधन पूर्व १ हजारको दरले विक्रि गरिएको थियो जसबाट १ लाख ३१ हजार रूपैया संकलन भैसकेको छ । यस्तै कान्छाको निधन पश्चात सो एल्बमको मूल्य एक हजार राख्न नसकिने भन्दै सामन्य मूल्यमा बेच्ने गरी बजारमा पर्ठाईएको उनीहरूको भनाई थियो । एल्मबमा समेटिएका १२ गीतमा सचिन सिहं, सुनिल मास्के, अनिल शाही, रि-मिक्स लगायतको संगीत समेटिएको छ ।
यस्तै करिब १ सय नेपाली चलचित्रमा स्वर दिईसकेका कान्छाद्धारा गाईएका फिल्मी गीत भने सो एल्मबमा समावेश गरिएको छैन ।
