दुई दशक यता निरन्तर नेपालमा कस्मेटिक तथा विभिन्न आयुर्वेदिक सामग्री उत्पादन गर्दै आएको हमदर्द ल्याबरोटोरिसले महानायक राजेश हमालाई 'हमदर्द २०६७' ले सम्मान गरेको छ ।
शनिबार राजधानीमा आयोजित एक कार्यक्रममा हमर्ददले उर्जा मन्त्री प्रकाश शरण महतको प्रमुख आतिथ्यमा महानायकलाई दोसल्ला सहित प्रमाण पत्रले सम्मान गरेको हो । नेपाली चलचित्रमा निरन्तर दुई दशक यता सक्रिय भई योगदान दिए बापत हमाललाई सो सम्मान दिईएको हमदर्दले जनाएको छ ।
यस्तै हमाल बाहेक साहित्यकार जनकवि केशरी धर्मराज थापा, साहित्यकार सरु भक्त श्रेष्ठ तथा महिला उद्यमी भवानी राणालाई पनि 'हमदर्द २०६७' ले सम्मान गरिएको थियो । उनीहरुलाई पनि उर्जा मन्त्री महतले दोसल्ला सहित प्रमाण पत्रले सम्मान गरेका थिए ।
प्रत्येक बर्ष विभिन्न क्षेत्रमा योगदान दिए वापत सम्मान गरिने हमदर्द सम्मान यो बर्षको छैठौ हो । यस अघि बरिष्ठ हाँस्य कलाकारद्धय मदन कृष्ण श्रेष्ठ तथा हरिबंश आचार्यलाई पनि हमदर्द सम्मान दिईएको थियो ।
