माघको अन्तिम साता देशभर एकसाथ प्रदर्शन हुन लागेको चलचित्र 'शासन' को 'कहिले वारी कहिले पारी...' बोलको गीतलाई फिल्मीखबर डटकम मार्फत वर्ल्ड प्रिमियर गरिएको छ । शुक्रबार ललितपुरमा एक कार्यक्रम बिच चलचित्रका गीत सञ्चारकर्मी माझ सार्वजनिक गरिएको भए पनि शनिबार सो गीतलाई बिश्वव्यापी रूपमा फिल्मीखबरबाट सार्वजनिक गरिएको हो ।
 

इन्टरनेश्नल मुभि मेकिङको व्यानरमा लोकेन्द्र कार्कीले निर्माण गरेको चलचित्र 'शासन' सार्वजनिक गरिएको उक्त गीतमा शम्भुजित बाँस्कोटाको संगीत, सिन्धु मल्लको स्वर तथा नवराज लम्सालको गीत रहेको छ भने सो गीतमा लोकेन्द्र कार्की र रेखा थापाले अभिनय गरेका छन् । गीतका नृत्यनिर्देशक बसन्त श्रेष्ठ हुन् ।

आकाश अधिकारीले निर्देशन गरेको सिनेमास्कोप चलचित्र शासन 'राष्ट्र जुन बेला सबैभन्दा बढी संकटपूर्ण घडीमा हुन्छ, त्यहि बेला जनता देशको संरक्षणका लागी जुर्मुराउनु पर्छ' भन्ने कथा बस्तु बोकेर निर्माण गरिएको बताईएको छ । चलचित्रमा लोकेन्द्र र रेखाको साथमा सञ्चिता लुईटेल, सम्राट सापकोटा, धिरेन शाक्य, निर शाह, हरिहर शर्मालगायतले अभिनय गरेका छन् ।


  World Premier song 'Kahile wari kahile pari'