आगामी शुक्रबार देखि देशब्यापी प्रदर्शनमा आउन लागेको संगीतिक चलचित्र 'स्वर' मा राज बल्लभ कोइराला र केकी अधिकारी जोडीका रूपमा दर्शकमाझ आउँदैछन् । स्वर राजको तेह्रौ चलचित्र हो भने केकीको पहिलो । हाल सम्म करिब २० चलचित्रमा अभिनय गरिसकेका राजको अभिनयको हिसावले केकी सातौ नम्बरकी नायिकामा पर्छिन् भने केकीको राज पहिलो हिरो हुन् ।
मोडलबाट हिरोइनको छवि बनाउदै गरेकी केकी राजको हरेक क्रियाकलापलाई नयाँ ठान्छिन् र पनि राजले गरेका हरेक निर्णयलाई आँखा चिम्लिएर सहजै स्वीकार्छिन् उनी । धार्मिक भनाई अनुसार जसरी मानिसले इन्द्रको देश स्वर्गको बयान गर्छ त्यसैगरी केकीको अगाडी कुनै सञ्चारकर्मी वा आफ्ना साथीभाई पुगे भने उनी राजको बयान गरेर थाक्दिन् । यति सम्मकी राज फ्यान केकीले राजले फिल्मका लागि स्क्रिप्ट हेरेर फाईनल गरे सो प्रोजेक्टमा कसैले आफूलाई प्रस्ताव गरे आफ्नो तर्फबाट स्क्रिप्ट समेत नहेरी सो प्रोजेक्टमा स्वीकृति जनाउने बताउँछिन् ।
नायक कोइरालासँग पहिलो पटक स्वरमा अभिनय गर्न पाएकी केकी राजको जस्तो सुकै बिचारमा सहमत जनाउन सक्छिन् रे । फिल्मीखबरसँगको बिशेष कुराकानीमा उनले राजको तारिफ गर्दै भनेकी छिन्, 'म उहाँको अभिनय र स्मार्ट हाईटबाट निकै आकर्षित छु ।' यस्तै चलचित्र स्वरको सुटिङमा राजको कडा परिश्रम र समयको ख्याल गर्ने बानीले त आफू झन धेरै आकर्षित भएको मयूर हिरोइन केकीको भनाई छ । संस्कृतमा केकीको अर्थ मयूर हुने भएकाले उनलाई नजिकका साथीहरूले मयूर समेत भनेर बोलाउने गर्दछन् ।
किन यति सम्मको मरिहत्ते भन्ने फिल्मीखबरको प्रश्नमा उनले छोटो जवाफ दिईन्, ' खै ?' एउटै प्रोजेक्टमा काम गरेका राजले भने केकीलाई कतिको ख्याल गरेका छन् त ? उनलाई पनि केकी राम्रो लाग्छ रे । सर्वप्रथम त राजलाई केकीको अनुहार उत्कृष्ट लाग्दो रहेछ त्यसपछी अभिनय । मयूर जस्तै उनको नृत्य र अभिनयको क्षमतामा अग्ली भएकाले चिटिक्क परेको केकीको उचाई राजलाई अझै स्वीट लाग्छ रे ।
