करिब एक बर्षअघि देखि मुर्म्बईमा बस्दै आएका नायक निखिल उप्रेती सोमबार दिउँसो काठमाण्डू ओर्लिएका छन् । जेट एयरको 9w266 मार्फत दिउँसोको ठीक साढे एक बजे उनी त्रिभुवन अन्तर्राष्ट्रिय विमान स्थलमा ओर्लिएका हुन् ।
निखिललाई लिन उनका पर्सनल असिस्टेन उमेश उप्रेती र मेकअप म्यान राम ठाकुर विमान स्थल पुगेका थिए । बिहान एघार बजे नै विमान स्थलमा ओर्लने भनिएपनि जहाज ढिला भएका कारण उनी आउन ढिला भएको थियो । आगमन कक्षमा उनी निस्कदा ठीक २:१० बजेको थियो । त्यसपछी सञ्चारकर्मी माझ घेरिएका निखिललाई सञ्चारकर्मीले र्याखर्याख्ती पारेका थिए ।
