करिब दुई दर्जन चलचित्रमा अभिनय गरिसकेकी नायिका पूजना प्रधान स्त्रीले पछिल्लो चरणमा समाज सेवामा आफ्नो सक्रियता निकै बढाएकी छिन् । अभिनयसँगै समाजसेवामा पाईला बढाएकी जस संगत नायिका स्त्रीले सोमबार काठमाण्डौको बत्तीसपुतलीमा रक्तदान कार्यक्रम आयोजना गर्दै करिब ५ सय व्यक्तिबाट रगत संकलन गरी ब्लड बैंकलाई सहयोग गरेकी छिन् ।
यस अघि डेढ बर्षिया एक बालिका र आठ बर्षमुनिका दुई बालकलाई सन्तानको रूपमा ग्रहण गरेकी स्त्रीले अन्य अठार जना अनाथहरूलाई समेत हेरचाह गरिरहेकी छिन् । 'कोही नभएका बालबालिकालाई आफ्नो साहारा दिन चाहन्छु त्यसैले समाजसेवामा पाइला बढाएको हुँ', उनको भनाई थियो । उनको भनाई अनुसार करिब २० अनाथ व्यक्तिहरूको आमा बन्ने रहर उनलाई छ रे ।
डेढ बर्षे दुधे बालिकालाई स्यहारिरहेकी पूजनाको ममता देखेपछी रक्तदान कार्यक्रममा उपस्थित भएका अधिकाशंले उनको प्रशंशा गरेका थिए । उनको भनाई अनुसार सो बालिकालाई उनी आफूसँगै सुताउने गर्छिन् । काठमाण्डौमा अभाव भएको रगतलाई मध्यनजर गर्दै जयसंगत आश्रम मार्फत पूजनाले आयोजना गरेको रक्तदान कार्यक्रममा कलाकार तथा निर्माता श्रवण घिमिरे, कल्याण घिमिरे, पुष्पराज पुरूष समेतले उपस्थिति जनाएका थिए ।
