महानायक राजेश हमालको नाममा निर्माण गरिएको चलचित्र 'मेरो राजेश दाई' प्रदर्शनका लागि तयार भएको छ । राजेश हमाल, अरूणिमा लम्साल तथा शितल केसी मुख्य भूमिकामा रहेको उक्त चलचित्रमा दाजुभाईको कथा समेटिएको बताईएको छ ।जहाँ राजेश र शितल दाजुभाईको भुमिकामा प्रस्तुत हुँदैछन् ।
सन्देश बर्राईलीको निर्माणमा ऋषि न्यौपानेले निर्देशन गरेको सो चलचित्रको छायाकंन गएको असोज अन्तिममा समाप्त भएको थियो । यस अघि सफल चलचित्र डन, खलनायक तथा टक्कर दुई मुटुको निर्देशन गरिसकेका निर्देशक न्यौपानेले महानायक हमालको दुई दशकको फिल्मी करिअरमा पहिलो पटक उनकै नामलाई फिल्मको टाईटल दिईएको बताईएको छ । फिल्म रिलिजको बारेमा न्यौपानेले भनेका छन्, 'अब चाडै नै पब्लिसिटीमा जानेछौ र फिल्मलाई दर्शकमाझ ल्याउने छौ ।'
