अगामी चैत्र २५ गतेबाट देशभर एक साथ प्रदर्शन हुने भएको छ । सो चलचित्रका निर्माता प्रदिप उदयले दिएको जानकारी अनुसार नयाँ बर्षको छेक सार्वजनिक विदा धेरै पर्ने भएकाले सो अनुरूप आफ्नो चलचित्रलाई प्रदर्शन गर्न लागिएको बताए ।
डबिङ कार्यमा जान लागेको चलचित्र मालतीको भट्टीलाई गणेश देव पाण्डेले निर्देशन गरेका हुन् । रेखा थापा, जीवन लुइँटेल, नन्दिता केसी, अयुव केसी, सुनील थापालगायतको अभिनय रहेको सो चलचित्रमा नायिका थापा भट्टी वालीको भुमिकामा छिन् । उनले भुमिका र अभिनयले दर्शकलाई मात दिलाउने बिश्वास निर्देशक पाण्डेले लिएका छन् ।
.jpg)
गंगा पौडेल र गोपाल पाण्डे निर्माता रहेको सो चलचित्रमा संजय लामाको छायाँकन, रोशन श्रेष्ठको द्वन्द, रेनाशा राईको नृत्यनिर्देशन तथा कालीप्रसाद बाँस्कोटाको संगीत सुन्न सकिनेछ । गएको भदौ २८ गते गोर्खा हस्पिटलबाट सुरू गरिएको चलचित्र 'मालतीको भट्टी' को कार्त्तिक १० गते इन्डक्ल्याप गरिएको थियो । चलचित्रमा निर्देशक पाण्डे, संगीतकार बाँस्कोटा र एसिस्टेन्ट डिरेक्टरको भूमिकामा सुसन खड्काको डेब्यू हो ।
पहिलो पटक चलचित्रको निर्देशन गरेका निर्देशक गणेश देव पाण्डे भारतमा निर्देशन सम्बन्धी कोर्स गरेर आएका निर्देशक हुन् भने संगीतकार कालिप्रसाद बाँस्कोटाले यसभन्दा अघि केहि एल्बमहरूमा संगीत भरिसकेका नयाँ संगितकार हुन् । त्यसैगरी सुसन दर्जनौं म्युजिक भिडियो र र्याम्पमा मोडलिङ गरिसकेकी मोडल हुन् ।
