कमेडी गायक तथा कलाकार श्रीकृष्ण लुइँटेल 'बोके दार्हि' द्वारा निर्देशित तथा अभिनित हास्यप्रधान चलचित्र 'बस नम्बर १३६' यहि माघ २८ गते देखि देशभर प्रदर्शन हुने भएको छ । यस अघि सो चलचित्र मलेशियामा सफल प्रदर्शन गरिएको थियो ।
सम्झना फिल्मसको व्यानरमा भुपेन्द्र लिङदेन (मन्त्री) को प्रस्तुती रहेको सो चलचित्रमा बोके दार्हिको साथमा मेलिना मानन्धर, विल्सन बिक्रम राई, रवि क्षेत्री, पुष्प श्रेष्ठ, मुकुन्द श्रेष्ठ, राजाराम पौडेल, विपीन प्रसाईंलगायतका कलाकारको अभिनय रहेको छ । बोके दार्हिकै कथा र संगीत रहेको सो चलचित्रमा कमल राईको नृत्य, सौरभ लामाको छायांकन, विपीन मल्लको सम्पादन रहेको चलचित्रमा सूर्यदेवको द्वन्द्व रहेको छ । चलचित्रलाई सञ्जु लिङ्देन, राजु जङ कन्दङवा र टेकराज तिलिङले निर्माण गरेका हुन् ।
