वैदेशिक शिक्षा अध्ययन गर्न विभिन्न सेवा प्रदान गर्दै आएको अरबिट ग्रुपले चलचित्र 'ब्याच नम्बर १६' लाई करिब दर्जन होर्डिङ्ग बोर्डमा सहयोग गरेको छ ।
उपत्यकाको थानकोट देखि राजधानीमा मुख्य चौकमा सो चलचित्रको ठूला बोर्डमा अरबिट ग्रुपले चलचित्रको प्रमोशनका लागि सघाएको हो । 'राज्यले नेपाली चलचित्रहरूलाई उत्थान गर्न नसकेको अवस्थामा सानो सहयोग भएपनि हाम्रो तर्फबाट यो चलचित्रलाई होडिङ्ग बोर्डमा सहयोग गरेका हौ । ' अरिबट ग्रुपका मिडिया एड्भाइजर सेश राज भट्टराईले भने । जस अनुरूप उक्त चलचित्रको पहिलो होर्डिङबोर्ड संविधानसभा भवन नयाँ बानेश्वरको मुख्य सडक पेटीमा राखिएको छ । आगामी फागुन १३ गतेबाट देशब्यापी प्रदर्शनमा आउन लागेको उक्त चलचित्रको सफलताको लागि मात्र नभई अन्य नेपाली चलचित्रलाई उत्थान गर्ने हिसावले यो अभियान सुरू गरिएको अरबिटको भनाई छ ।
पिताम्बर पाण्डे निर्देशित उक्त चलचित्र एक्सन तथा थ्रीलर विषय बस्तुमा निर्माण गरिएको छ । 'यसरी सानो कुरामा सहयोग गरेकोमा हामी पनि खुशी छौ ' निर्देशक पाण्डेले अरबिटले गरेको सहयोग प्रतिक्रिया दिएकाछन् । साईलेन्स इन्टरटेनमेण्टको प्रस्तुतीमा सुरेन्द्र पौडेल ले निर्माण गरेको सो चलचित्रमा सुमन सिंह, रुवी भट्टराई, सुष्मा कार्की, ममता प्रधान लगायतले अभिनय गरेका छन् ।
