कलर्स मुभि एण्ड इन्टरटेन्मेन्टको प्रस्तुतिमा रमेश पाण्डे र दिनेश अधिकारीले निर्माण गर्न लागेको चलचित्र 'भैहाल्छ नि' को गीत रेकर्डिङ कार्य विहिवारबाट शुरू भएको छ ।

विहिवार राजधानीको कमलपोखरी स्थित ए वान म्युजिसियन स्टुडियोमा लोकराज अधिकारीको शब्द तथा यादव गोबिन्दको संगीतमा गायक प्रमोद खरेल र गायिका रजिना रिमालले चलचित्रको शिर्ष गीत रेकर्ड गराए । एम. एस. अग्रजको निर्देशनमा बन्न लागेको सो चलचित्रमा पाँच वटा गीत समावेश गरिने चलचित्र निर्माण युनिटले जानकारी दियो ।

लोकराज अधिकारीको शब्द रहेको ति पाँचवटै गीतमा यादव गोबिन्दको संगीत रहने छ भने ति गीतमा प्रमोद र रजिनाको साथमा दिपक लिम्बु, प्रविशा अधिकारी, आस्था रावत, रेनु बिष्ट, अशिम राई र रूपक चौधरीले स्वर दिने भएका छन् ।

र्ण रूपमा हाँस्य तथा सन्पेन्स थ्रिलर चलचित्र भनिएको सो चलचित्रमा सुमन सिंह, गरिमा पन्त, सोनिया केसी, सुनिल थापा, कमलकृष्ण, सुवासजंग कार्की, आसान्तको मुख्य अभिनय रहने भएको छ भने नयाँ प्रस्तुतीको रूपमा बिशाल पोखरेलले अभिनय गर्दैछन् ।

फागुनको तेस्रो साताबाट छायाँकन हुने भनिएको सो चलचित्रमा हरि हुमागाईंको छायाँकन, दिनेश अधिकारिको नृत्यनिर्देशन तथा रोशन श्रेष्ठको द्वन्दनिर्देशन रहने छ ।