नायिका ऋचा घिमिरेले सोमबार केहि फरक ढंगले आफ्नो २८ औं जन्मदिन मनाईन् । राजधानीको नयाँ बानेश्वरस्थित आफ्नै कार्यालयमा उनले नयाँ गैरसरकारी सामाजिक संस्था 'दिर्घायू' को उद्घाटन गरेर चलचित्रकर्मी र आफन्त माझ आफ्नो जन्मदिन मनाएकी हुन् ।
चलचित्र निर्माण र अभिनयसँगै समाजसेवामा पनि लाग्ने बताउँदै नायिका ऋचाले गैरसरकारी संस्था दिर्घायुको उद्घाटन गरेको बताईन् । सो संस्थाले समाजबाट पीडित व्यक्तिहरूलाई आर्थिक सहयोग गर्नुको साथै रोजगारीका लागि निःशुल्क विभिन्न सीप सिकाउने नायिका ऋचाको भनाई छ । पूर्व मिस नेपाल उषा खड्गी, नायक सुमन सिंह, गायक सन्तोष लामा, व्यवसायी मनोजकुमार घिमिरे, ब्युटिसियन चुनु थापालगायतका व्यक्ति कार्यसमिती रहेको सो संस्थाको उद्घाटनसँगै उनले २८ औं जन्मदिनको केक काटेकी थिईन् ।
जन्मदिनमा शुभकामना दिन नायक भुवन केसी, करिश्मा मानन्धर, शिब श्रेष्ठ, सुमन सिंह, युना उप्रेती, निरज बराललगायतका कलाकार सो पार्टीमा पुगेका थिए । चलचित्र 'तुलसी' को छायाँकन सकेर अर्को चलचित्र 'ब्रेक फेल' को तयारीमा जुटेकी नायिका ऋचालाई फिल्मीखबरको तर्फबाट जन्मदिनको शुभकामना !
