अहिलेका अति व्यस्त तथा महंगा नायक आर्यन सिक्देल आफैंमा एक सक्षम कलाकार हुन्, यसमा कुनै शंका छैन । अभिनयमा निकै दक्ष मानिएका चक्लेटी नायक आर्यनले दर्शकको मन जित्दै गएपनि आफ्नो उनको नशालु बानीले गर्दा उनको मानसम्मानमा धक्का पुर्याएको आरोप लाग्दै आएकोछ ।
मदिराकै कारण थुप्रै रेष्टुराँ, होटल तथा सार्वजनिक स्थानमा उनले आफ्नो छबि गुमाउँदै आएको कुरा नकार्न सकिंदैन । कुनै जमघट र पार्टीमा उनको प्रिय पेय पदार्थ पनि मदिरा नै हो । फुर्सदका बखत कतै बसेर अलिकति पिउँदा आनन्द महसुस गर्ने यि नायक बिशेष गरी सञ्चारमाध्यम र चलचित्रकर्मी माझ बेलाबेला मदिरा सेवनको सुरमा आफ्नो समय खर्चिदै आएको आरोप लागेको हुन्छ ।
तर खुसीको कुरा अब यि चक्लेटी नायक मदिराको नशाबाट टाढिएका छन् । अब नत उनले यता आरोप खेप्नु नै पर्छ नत उनको मानसम्मानमा धक्का नै लाग्छ । चलचित्र किस्मतबाट डेब्यू यि नायकलाई सबैले मदिरा सेवनबाट टाढा रहन दबाब दिएपछि र आफ्नो स्वास्थ्यमा केहि गडबडी आएपछि उनले मदिरासँग डिभोर्स गरेका हुन् । यानकी अब आर्यन मदिरा सेवनबाट निकै टाढा रहेको बुझिएको छ ।
ढिलै भएपनि आफ्नो नराम्रो बानीमा सुधार ल्याएका आर्यनलाई फिल्मीखबरको तर्फबाट हार्दिक बधाई र अझै राम्रो कामको लागी सफलताको शुभकामना !
