हंग्री आई मुभिजको व्यानरमा अरूण खड्काले निर्माण गर्न लागेको चलचित्र 'तिम्रो लागी' को छायाँकन फाल्गुन २० गतेबाट शुरू हुने भएको छ । नवराज घिमिरेको निर्देशनमा बन्न लागेको सो चलचित्रमा सुमन सिंह, सुमिना घिमिरे, कुशल थापा, तृप्ती नाडखरको मुख्य अभिनय रहने बताईएको छ ।
निर्देशक घिमिरेकै कथा रहेको सो चलचित्रमा सन्तोष प्रघातको संगीत रहेको छ । चलचित्रका गीतहरूमा राजेश पायल राई, दिपक लिम्बु, प्रविशा अधिकारी लगायतले स्वर दिने भएका छन् । काठमाण्डौ र पोखरामा छायाँकन गरिने भनिएको सो चलचित्रको निर्माण परिकल्पनाकार शम्भु गौतम हुन् ।
