नेपाल टेलिभिजनबाट हरेक मंगलबार प्रसारण हुँदै आएको मेघा रियालिटी शो 'खोजी प्रतिभाको' को फाईनल आगामी चैत्र १ गते हुने भएको छ । निर्देशक तथा सञ्चारकर्मी दिनेश डिसीले एक बर्ष देखि सञ्चालन गर्दै आएको सो रियालिटी शोमा गायन, नृत्य र अभिनय बिधाका क्रमश: टप ४, टप ३ र टप ५ छानिएको छ र यि प्रतिस्पर्धीहरू उपाधीका लागी चैत्र १ गते अन्तिम प्रतिस्पर्धाका लागी मैदानमा उत्रदै छन् ।
अन्तिम प्रतिस्पर्धाका लागी मैदानमा उत्रेका कलाकारहरूमा गायन तर्फ उत्तम जङ लिम्बु (झापा), जगत राणा मगर (पाँचथर), सुमन सरगम (खोटाङ) र दुर्गा परियार (पोखरा) रहेका छन् । यसैगरी नृत्य तर्फ निर्मल कुमार लामा (हेटौंडा), रविना श्रेष्ठ (घरान) र सुजन राई (धरान) रहेका छन् भने अभिनय तर्फ जतिन ताम्राकार (बिराटनगर), राजेन्द्र नेपाली (पोखरा), स्मृती श्रेष्ठ (ईलाम), मुना कार्की र गजित बिष्ट (काठमाण्डौ) रहेका छन् । २०६६ साल माघ ५ गतेबाट प्रशारण शुरू गरिएको सो मेघा रियालिटी शोमा देशभरबाट १६०० प्रतिस्पर्धीहरूले भाग लिएका थिए ।
कार्यक्रम हेरेर यसका स्पर्धीहरुलाई विभिन्न देशबाट नगद र उपहार प्राप्त भइरहेको कार्यक्रम सञ्चालक डिसीले शुक्रबारकै पत्रकार भेटघाट कार्यक्रममा जानकारी गराए । एसियन पेन्ट्सले प्रायोजन गरेको सो रियालिटी शोमा कलाकार निर शाह, भुवन केसी, गौरी मल्ल, दिपक राज गिरी, संगीतकार सुरेश अधिकारी, गायक राजेश पायल राई र करियोग्राफर रेनाशा राई रहेका छन् ।
