चलचित्र निर्माता तथा निर्देशक दिपक खाँड र अर्का निर्माता दिपक रमण डंगोल सम्मानित भएका छन् । शनिबार ललितपुर स्थित चापागाउँमा रहेको वाणी विलास माध्यमिक विधालयले स्वर्ण महोत्सवको अवसरमा यि दुई चलचित्रकर्मीलाई सम्मानित गरेको हो ।
संबिधान सभाका सभामुख सुवासचन्द्र नेम्वाङको प्रमुख आतिथ्यमा आयोजना गरिएको सो महोत्सवमा सम्मानित हुन पाउँदा आफूहरू निकै खुसी भएको सम्मानितद्वयले बताए । बिधालयले सम्मानित गरेकोमा खुसी व्यक्त गर्दै सम्मानितद्वयले आगामी दिनमा अझ नेपाली चलचित्रको बिकासका लागी सक्रिय भएर काम गर्ने हौसला मिलेको बताए ।
कार्यक्रममा निर्देशक खाँडले विधालयको उत्तरोत्तर प्रगतीको कामना गरेका थिए भने निर्माता तथा संगितकार दिपक रमणले आफ्नै निर्माणमा बनेको चलचित्र 'मन परेपछि' र 'तिम्रो घर मेरो ससुराली' को एक एक वटा गीत गाएर सुनाएका थिए । यसैगरी निर्माता रमणले सार्वजनिक हुन लागेका दुई चलचित्र 'मन परेपछि' र 'तिम्रो घर मेरो ससुराली' हेरेर कमेन्ट गरिदिन उपस्थित दर्शकसँग अनुरोध समेत गरेका थिए ।
