पर्यटकिय ताल नगरी पोखरामा चलचित्र 'बोस' को मुहुर्त गरिएको छ । बुधबार बिहान करिब १० बजे तिर पोखराको चर्चित होटल फुलबारी रिसोर्टमा माओवादी अध्यक्ष पुष्पकमल दाहालका पुत्र प्रकाश दाहालले चलचित्रको मुहुर्त सट दिएका थिए ।
मुहुर्तसंगै बुधबारबाट नै चलचित्रको छायाँकन पनि शुरू गरिएको छ । श्रीराम बरालको प्रस्तुतीमा प्रदिप श्रेष्ठले निर्देशन गर्ने सो चलचित्रमा आयुष रिजाल, नीता ढुंगाना, अयुब केसी र रीया श्रेष्ठको मुख्य भुमिका रहने बताईएको छ । चलचित्रमा मौनता श्रेष्ठको कथा, चेतन सापकोटाको संगीत, कविराज गहतराजको नृत्य तथा हिमाल केसीको द्वन्द रहने छ । चलचित्रलाई तुलसी आचार्य, डिबी क्षेत्री र पारस तिमल्सिनाले निर्माण गर्दैछन् ।
