नायिका मेलिना मानन्धर र नायक मुकेश ढकाललाई छोरीको नाम नभेटिंदा निकै टेन्सन भएको थियो । अन्तत: उनीहरूको सो टेन्सन दूर भएको छ । अर्थात यि दम्पतीले आफ्नो छोरीको नाम मेलिस्का ढकाल राखेका छन् ।
गत कार्तिक २८ गते नायिका मानन्धरले छोरीलाई जन्म दिएकी थिईन् । छोरी जन्मेपछि नाम राख्न मेलिना र मुकेशलाई निकै गार्हो भयो । नायक ढकालले आफ्ना परिवार, साथीभाई तथा चलचित्रकर्मीलाई छोरीको नाम जुराईदिन आग्रह पनि गरेका थिए तर कसैले उपयुक्त नाम दिन नसकेपछि चिन्तित बनेका नायक ढकाल बिहिबार छोरीको नाम राख्न आँफै कस्सिए । उनले प्रतिज्ञा नै गरेका रहेछन् कि आज जसरी पनि नाम पत्ता लगाउँछु भनेर । हुनपनि उनले गरेको प्रतिज्ञा पूरा भएरै छाड्यो ।
दिनभर छोरीको नाम खोज्न व्यस्त भएका मुकेशले अन्तत: सामाजिक सञ्जाल फेसबुकबाट नै छोरीको नाम पत्ता लगाए 'मेलिस्का' । आफूलाई सो नाम मन परेपछि मुकेशले न्यूरोलोजिस्ट मनिष पोखरेलाई सुनाए । मनिषले पनि सबैकुराले नाम उपयुक्त रहेको भनेपछि मुकेशले छोरीको नाम 'मेलिस्का' नै फिक्स गरेका हुन् । नाम राखे लग्गतै फिल्मीखबरसँग खुसी साट्दै मुकेशले भने, 'आज म दोस्रो पटक खुसी भएको छु । पहिलो पटक छोरी जन्मिँदा खुसी भएको थिएँ भने दोस्रो पटक छोरीको नाम भेटिँदा ।' नायक मुकेश मात्र हैन उनकी श्रीमती तथा नायिका मेलिना पनि छोरीको उपयुक्त नाम भेटिएपछि निकै खुसी छिन् ।
